Verkefnisstjóri Grunnnáms

Laust er til umsóknar fullt starf verkefnisstjóra grunnnáms við Verkfræði- og náttúruvísindasvið Háskóla Íslands. Starfið tilheyrir Nemendaþjónustu sviðsins og felst m.a. í því að hafa umsjón með grunnnámi á sviðinu.

Helstu verkefni og ábyrgð

• Þjónusta, ráðgjöf og upplýsingamiðlun til grunnnema og starfsfólks sviðsins um námskeið og námsleiðir
• Umsjón með námsumsóknum, námsferlum og brautskráningu grunnnema
• Vinnsla kennsluskrár í samstarfi við nemendaskrá, námsbrautarformenn og deildarforseta
• Eftirfylgni, skjölun og utanumhald upplýsinga og gagna
• Þátttaka í alþjóðasamstarfi
• Þátttaka í viðburðum á sviðinu, s.s. á námskynningum og við móttöku nýnema
  
  

Menntunar- og hæfniskröfur

• Háskólapróf sem nýtist í starfi, meistarapróf er æskilegt
• Góð tölvukunnátta og hæfni til að tileinka sér nýjungar á því sviði
• Reynsla og/eða þekking af verkefnastjórnun er kostur
• Góð íslensku- og enskukunnátta, bæði í töluðu og rituðu máli
• Þjónustulund og góð skipulags- og samstarfshæfni
• Sjálfstæði og frumkvæði í starfi
  
  

Æskilegt er að viðkomandi geti hafið störf sem fyrst.

Eftirfarandi Gögn Skulu Fylgja Umsókn

• Ferilskrá
• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
• Afrit af prófskírteinum
• Upplýsingar um umsagnaraðila
  
  

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt á 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Nánari upplýsingar veitir

Sigríður Droplaug Jónsdóttir

siggadr@hi.is

---